Ano ang mangyayari sa iyong pagtawag?

Kung ikaw ay tumawag sa Peel Children’s Aid na may tanong o pag-aalala sa kapakanan ng isang bata, isang nagsanay na tagapaglingkod panlipunan ang siyang sasagot sa iyong tawag. Ang mga ‘front-line’ na tagapaglingkod ay bahaging kinatawang customer service, bahaging tagapayo, ang tungkulin nila ay makinig ng mabuti upang maintindihan kung paano makatulong. May iba’t-ibang mga lupon ng tagapaglingkod panlipunan, na ang bawat isa’y nakatakda sa magkakaibang turno, upang makapagbigay ng alalay sa kumunidad ng Peel sa lahat ng oras.

Kailangang pahalagahang mabuti ng isang tagapaglingkod ang isang kaso sa pamamagitan ng pagsisiyasat na pagtatanong. Kailangan niyang matanto ang antas ng pangkasalukuyan at panghinaharap na panganib sa nailalarawang kalagayan. Sa Peel Children’s Aid, naiintindihan namin na kung minsa’y urong-sulong ang mga tao sa paghahayag ng kanilang mga hinala. Ito ang dahilan kung bakit gumugugol kami ng panahon upang magpaliwanag ng proseso at ng aming mga paglilingkod na iniaalay. Maaaring hingin ng tagapaglingkod ang katauhan ng mga tumawag, ngunit para sa mga di-propesyonal, gaya ng isang kapit-bahay o kaibigan, di na ito kinakailangan. Ang mga propesyonal na nagsisilbi sa mga bata, gaya ng mga guro at duktor ay ipinag-uutos ng batas na magpakilala ng kanilang sarili.

Palagi bang may pag-uusisa?

Marami nang mga tawag ang nalutas ng tagapaglingkod panlipunan sa telepono. Ang ibig sabihin nito ay di na kailangang mag-usisa pa dahil maaring nasuri at nakitang ang panganib sa bata ay nasa mababang baytang lamang. Ang mga pamilya sa kategoryang ito ay malimit na natutulungan sa pamamagitan na pag-uugnay sa kanila sa isang kapares/ahensiyang pangkumunidad o sa paggabay ng isang tagapaglingkod panlipunan.

Di man humantong palagi sa isang pag-uusisa ang isang tawag, ang iba’t-ibang mga tawag tungkol sa parehong mga bata o pamilya ay may pahintulot kaming kumilala ng tularang pagkabahala na maaaring tanda ng pangangailangan pa ng karagdagang pagpapahalaga. Dahil dito, hinihikayat namin ang lahat ng mga nag-aalalang miyembro ng kumunidad na kami ay tawagan at kausapin – gaano man kaliit o kabigat ang kanilang pagkabahala sa isang bata. Ang kaalaman tungkol sa pinagmulang pangyayaring inyong maibabahagi sa amin ngayon ay makakapagdagdag sa aming kakayanan na masuri ang kahit anong mga tawag na darating sa amin sa hinaharap tungkol sa mga pagkabahala.

Kukunin ba ang bata mula sa kanyang tahanan?

Ang aming layunin ay ang panatilihin ang mga bata sa kanilang pamilya. Ang aming uunahin ay palaging mabigyan ang mga magulang ng alalay na kanilang kinakailangan upang makabuo ng matatag na tahanan. Sa kaunting bilang ng mga kaso lamang kinakailangang kunin ang mga bata mula sa isang pamilya at ilagay sa ilalim ng pangangalaga ng ibang miyembro ng pamilya o ng foster parents. Kapag ang pinakamabuting kalutasan ay ang kunin ang isang bata o kabataan mula sa kanilang tahanan, kami ay magbibigay ng ligtas at mapag-arugang kapaligiran para sa kanilang pamamalagi.

Sa karamihang kaso, gayon man, nagbibigay kami ng gabay at pagpapayo at
nakikipagtulungan sa ibang mga ahensiyang pangkumunidad para matiyak na ang isang pamilya ay nakakatanggap ng hustong pag-alalay para alagaan ang kanilang anak.