Pag-uunawa ng pagmamalabis at pagpapabaya

Pagmamalabis na pisikal
Anumang sinadyang pananakit sa pamamagitan ng dahas na pinapataw sa anumang bahagi ng katawan ng bata. Kabilang sa pananakit ay: mga gasgas, latay, sugat, bali, paso/banli o mga pananakit sa panloob ng katawan. Ang pagmamalabis na pisikal ay maaaring mangyari nang minsanan o makadalawang beses lamang o nang mahabaang panahon.

• Noong taong 2005/06, ang Peel Children’s Aid ay nakapagsuri ng 1,942 na katamtaman hanggang malala na mga paratang tungkol sa pagmamalabis na pisikal. Sa karamihang mga kaso, ang Peel Children’s Aid ay namagitan, nagwari at nagbigay ng obligatoryong pagpapayo at pag-aalalay na edukasyonal; 7 sa bawat sandaan lamang ang nangailangan ng patuloy na proteksyon.

Pagmamalabis na sekswal
Ang anumang pagsasamantala sa bata para sa dahilang sekswal gaya ng panghihimasok na sekswal, isang pag-anyaya upang hawakan ang ari, paninilip, pananyansing, pagganap at pagpasok ng ari, at pagsasamantalang sekswal.

• Noong taong 2005/06, ang Peel Children’s Aid ay nakapagsuri ng 270 na katamtaman hanggang malala na mga paratang tungkol sa pagmamalabis na sekswal. Sa karamihang kaso, ang Peel Children’s Aid ay nakapagbigay ng katiyakan sa kaligtasan ng bata, nabawasan ang kapahamakang dulot ng dagdag na pagsasamantala at natiyak ang pagbibigay ng nararapat na pagpapayo; 7 sa bawat sandaan ang nangailangan ng patuloy na paglilingkod na pamproteksyon.

Malabis Na Pananakit Ng Damdamin- Pandarahas sa Tahanan
Ang mga ginagawa ng magulang o tagapag-alaga ay maaaring nagkaroon ng pananakit
ng damdamin sa pamamagitan ng pagkakait sa isang bata ng isang kapaligirang mapagmahal sa pamamagitan ng palagiang paninigaw, mapaghamak na mga pangungusap, pagtanggi, di pag-pansin, pagbubukod o pagsisindak sa bata; o paglalantad sa bata ng pandarahas sa tahanan.

• Noong 2005/06 ang Peel Children’s Aid ay nakapag-suri ng 1,378 na
  katamtaman hanggang sa malala na mga paratang tungkol sa malabis na
  pananakit ng damdamin at 1,273 nito ay kasangkot sa pandarahas sa tahanan.
  Ang pinsala sa damdamin ay maaaring ang pinakamahirap na ipaliwanag na
  paraan ng malabis na pananakit at kalimita’y nangangailangan muna ng
  pagpapasuri sa klinika bago masangkot ang Peel Children’s Aid; 8 sa bawat
  sandaan ng lahat na mga ginagawang pagsusuri tungkol sa pananakit ng
  damdamin ay nangailangan ng patuloy na paglilingkod pangproteksyon, 90 sa
  bawat sandaan ng mga ito ay kasangkot sa pandarahas sa tahanan.

Pagpapabaya
Ang tagapag-alaga ay di nakakapagbigay ng mga kinakailangang pangangailangan
gaya ng sapat na pagkain, tulog, kaligtasan, pagmamasid, kasuotan o pagpapagamot.
Sa karamihang kalagayan, ang pagpapabaya ay di sinasadya.

• Noong 2005/06, ang Peel Children’s Aid ay nakapag-suri ng 830 na katamtaman
  hanggang malala na mga paratang tungkol sa pagpapabaya. Ang mga bunga ng
  pagpapabaya ay mahaba at nagtatagal. Ang Peel Children’s Aid, sa
  pakikipagsagawa sa ibang mga ahensiya ng kumunidad, ay nagbibigay ng
  katiyakang karapat-dapat na pamamalakad na pagtulong ay nandidiyan para
  matiyak na ang mga bata ay ligtas at normal ang kanilang paglaki at paghubog; 8
  sa bawat sandaan ang nangangailangan ng patuloy na mga paglilingkod
  pangproteksyon.